Каляровая рэканструкцыя гравюры Ганса Адэльгаўзера і Маціяса Цюндта "Vera Designatio Urbis in Littavia Grodnae". Упершыню была надрукавана ў Нюрнбергу ў 1568 г. Гэта першая праўдзівая выява беларускага горада са знакавымі аб'ектамі ў тым выглядзе, якімі яны былі. Горад на ёй адлюстраваны дэталёва і вельмі падрабязна. Размяшчаецца ў пачатку сусветнага спісу гравюр з выявай гарадоў. Фармат гравюры 97х34 см, дадзена з памяншэннем у 1,1 разы.